2006 wurde bei den Burgfestspielen Leuchtenberg das Schauspiel "Der Bayrische Jedermann" aufgeführt. In diesem wurden Gstanzl'n gesungen, deren Texte von Vorstellung zu Vorstellung wechselten und in denen Bezug zu aktuellen Anlässen genommen wurden. Autor der Gstanzl'n ist Norbert Neugirg.
Hier die Gstanzl'n im Einzelnen:
Nach dem Auftauchen von Bär Bruno in Bayern:
Eßt’s und trinkt’s fest und schaut’s niat dumm,
denn drauß’n geht der Braunbär um,
der Werner Schnappauf bauat scho’ an Stool,
doch der Bär macht Urlaub in Tirol
Weltmeisterschaft I:
Hoch lebe der Suff und der Trubel,
wo da Ball rollt, rollt auch da Rubel.
Und d’Weltmeisterschaft de zahlnmit heier,
und nächst’s Jahr dann d’Mehrwertsteier.
Weltmeisterschaft II:
A schöina g’streifter Fußballschal,
die Schulden san uns scheißegal.
Mir ham a Stadion, an Lehman und an Kahn,
und zahl’n dout dös der Jedermann
Weltmeisterschaft - nach dem Spiel gegen Schweden:
Da Schwede stand vor den Toren
und hat die Schlacht verloren.
Jetzt fährt der Schwede wieder heim.
Guat dass so is, jetzt passt mei’ Reim.
Ein nicht gesungenes G’stanzl, das Einsatz gekommen wäre, wenn Deutschland gegen Schweden verloren hätte:
D’Schwed’n ham uns zammag’haut,
und recht hout d’Merkel, wenn’s dumm schaut,
denn jetzt is Deitschland am Ball,
a oinziger Sanierungsfall.
Weltmeisterschaft III:
An Deitschland-Cocktail aus da Kanna,
an Pressock wöi a Deitschland-Fahna,
a schwarz-rot-goldene Kouchaschmier,
Jedermann, wir danken dir.
Weltmeisterschaft - nach dem Spiel gegen Italien:
Jetzt hom ma an Papst Benedikt,
extra auf Rom zu de Italiener g’schickt,
dass sie as Höit’l vo ihm zöig’n,
und an Respekt vor Deitschland kröig’n
Doch d’Italiener dös san grobe Leit,
hom koin Respekt vor da hohen Geistlichkeit,
döi haua uns zwoa Tore ei,
drumm is mit’m Endspiel jetza aa vorbei.
Dass der Braunbär a Italiener war,
ja dös hout uns koina g’sagt zuvor,
Italiens Rache: null zu zwei,
jetzt pack ma d’Fahna wieder ei.
Weltmeisterschaft – nach dem Spiel gegen Portugal:
Dass Portugal drei zu eins verlor,
dös verdank ma aa an Eigentor,
d’Portugies’n wissen wos sich g’hört,
döi san niat wia d’Italiener gschert.
Weltmeisterschaft + Politik:
Und d’ Weltmeisterschaft däi zohl’m ma heier,
nächst’s Joua G’sundheitsreform und d’Mehrwertsteier.
Dös alls soll zahln, weg mog und kann,
am g’scheidst’n dös zahlt der Jedermann
4 Woch‘n war‘n ma bsoff‘n,
dou hout sich d‘Regierungs heimlich troff’n
hout döi Steiern schöi staad erhöht,
Hergott san mir Deitsch‘n blöd.
D‘Allianz hout a schöins Stadion baut,
jetzt wern 7000 ausse g‘haut.
Des Geld wos einsparn da dafür,
dös glangt.grod für a neie Scheißhaustür.
Italien is nach Deitschiand kumma,
und hout den Scheiß-Pokal mitgnumma.
Wird‘s glücklich mit dem Scherb‘n den alten,
dafür wird‘n mir den Braunbär b‘falten.
Da Klinsmann hout an Dienst quitiert,
iatz hou se d‘Merkel auffrisiert
Und red an..Busch-Schorsch heit an,
ob er niat den Bundestrainer mach’n kann.
(Auf die Buhlschaft gemünzt):
Heute b‘soff‘n, morgen blau,
as Mieder stärkt den Körperbau.
Wer wird denn sterb‘n wolI‘n, Herschaftseit‘n,
bei so a mordstrumm Oberweit‘n.
Da Schorsch Bush küßte in Stralsund,
d’Angela Merkel mitten auf den Mund.
Dann hom‘s de halbe Nacht nu dischkriert,
woll‘n ma‘s hoff‘n daß niat schwanger wird.
Wenn sich 2 junge Leit gern hab‘n is dös schöi und a gout,
doch bei so 2 alten Pokitikern, dou heb‘s ma an Hout.
Prost Deitschland mir hab‘n ma gout ausgschaut,
D‘Franzos‘n hab‘n se Köpf eig’haut.
Aus is der ganze Fußballwahn,
und zohin tout dös all‘s der Jedermann.
Den Braunbä hab‘n ma mir ei‘gfror‘n,
dafür ist Italien Weltmeister word‘n.
jetzt is aus mit dem Fußballwahn
und zahl tout des das Jedermann.
Heit spieln ma zum letzten Mal,
ich kriag an Ranz‘n oi wia a Grönlandwal.
Doch gegen an Bush sei Wildsaufest
san all uns’re Festa niat so teier gwest.
(Als eine Abordnung des Bauernverbandes eine Vorstellung besucht)
Heit Ab‘nd san ma wieder a wenig mehr,
den der Bauernverband gibt sich die Ehr.
Weil sich d‘Landwirtschaft nicht mehr rentiert;
und der Zuschuß immer wenger wird.
Ersatzgstanz‘l für den Fall, wenn es bei einer Aufführung geregnet hätte:
Wenn‘s rengd dass as Wasser spritzt,
wenn‘s koolt ist und kracht und blitzt,
dann rentiert sich d‘Freilichtspielerei,
denn dou schlouft as Pubikum niat ei.
wird geladen ...